Link açıqlığı

Qırımda Bağçasaray rayonıñ sakinleri Han Eli köyünde «Skif» futbol klubunıñ territoriyasını silâlı insanlar sarıp alğanını bildireler.

Qırım.Aqiqatqa şaatlarnıñ aytqanı kibi, avtomatları olğan insanlar bir-birinden bir buçuq metr mesafede tura.

«Silâlı insnalar yol boyu tura, maskasız bile. Sarıp alınğan territoriyada futbol meydanı, musafirhane, restoran yerleştirile», – deyler şaatlar ve mında evel futbolcılar, şu cümleden «Tavriya» futbol klubunıñ futbolcıları içün idman bazası olğanını qayd ettiler.

Futbol klubunda Qırım.Aqiqatqa yolbaşçılıq tatillerde olğanını bildireler, hadimler ise matbuat vastalarınıñ temsilcileri ile qonuşıp olamay. Klubnıñ territoriyasında silâlı insanlarnıñ olğanı ile bağlı malümatnı ne tasdiqalaylar, ne de red eteler.

Qırımnıñ uquq qoruyıcı organlarından da resmiy izaat yoq.

XS
SM
MD
LG