2015 senesi avgust 18 künü Kiyevde köçip kelgenlerge yardım etken cemaat teşkilâtlarını birleştirecek «Serbest insanlar evi» işke başlaycaq, bildire «KrımSOS» teşebbüsi.
«Köçip kelgenlerge yuridik ve maneviy yardımnı, iş ve iş tapuv boyunca tevsiyelerni, gumanitar yardımnı köstermek ve diger müim meselelerni muzakere etmek içün imkân bermek maqsadı ile «Serbest insanlar evi» teşkil etildi. Mında nevbetteki teşkilâtlar kire: KrımSOS, Vostok-SOS, Serbest insanlarnı meşğul etüv merkezi, Yañı Donbass», – añlatalar teşkilâtta.
Yardımnı köçip kelgenler Kiyevde Frunze soqağı, 13 D (yañı serleva – Kirillovskaya, 13 D) adresi boyunca elde ete bilecek.
«Serbest insanlar evi» «KrımSOS» cemaat teşebbüsi tarafından «Cemaat işançını pekitüv ukrain teşebbüsi» leyhasınıñ çerçivesinde teşkil etildi.
Ukraina İçtimaiy siyaseti nazirliginiñ soñki malümatına köre, 2015 senesi avgust 3-ne Donbass ve Qırımdan 1414798 köçip kelgen insan qayd etildi.
