Keriç aydavcıları keçitke aşıqıp, yollarda qazaiy vazitlerni ortağa çıqarğan Rusiye aydavcılarına şikâyet ete. Rusiyelilerden sebep şeer merkezinde, 50-let Oktâbrâ stadionı rayonında sıq sürette tıqanıqlıqlar peyda ola.
«Qayda ketesiñ?! Sen körmeysiñmi?!... Rusiyeli! Paromğa uça! Yolğa baq!», – dep qıçıra Rusiye regionınıñ «62» nomeraları ile yük maşinasınıñ aydavcısına marşrutka aydavcısı, haber ete Qırım.Aqiqat mühbiri.
Şeerlilerniñ aytqanı kibi, stadion rayonında er kün qazaiy vaziyetler peyda ola: Rusiye nomeraları olğan yük maşinaları daima marşrutkalarğa yolnı qapata.
«Tünevin de mında tura ediler. Sanki, bir yol qazası edi. Olar (yük maşinaları – QA) keçitke aşıqa da», – dey yerli sakin.
Keriç parom keçitiniñ işini nezaret etken «Deñiz müdirligi» avgust 6-8 künleri Keriç boğazı rayonında ava şaraitleriniñ bozuluvı mümkün olğanı aqta bildire. Yel küçüniñ artmasından sebep keçitte beklev vaqtı da uzana bile, dep bildire matbuat hızmeti.
