Makedoniyanıñ bir qaç şeerinde – Skopye, Struga, Kumanovo, Tetova, Gоstivardada cumaaqşamı künü Suriye ve diger memleketlerde silâlı teşkilâtlarğa alâqası olğanında şeklengen insanlarnıñ yaqalanuvı boyunca politsiya aktsiyası keçti.
Ameliyat tañda politsiyanıñ mahsus bölükleriniñ iştiragi ile başlandı, haber ete Radio Svoboda mühbiri.
Makedoniya Tış işler nazirliginiñ matbuat kâtibi İvo Kotevski jurnalistlerge aytqanı kibi, bu insanlar ecnebiy silâlı teşkilâtlarda iştirak etüvde şeklene, Makedoniya qanunlarına köre, bu cinaiy cinayettir.
Matbuat vastalarınıñ malümatına köre, İslâm devleti tarafında cenkleşken eñ azından 9 insan yaqalandı. Daa 30 şeklengen insannı qıdıralar.
Yaqalanğanlarnıñ çoqusı – Makedoniya vatandaşlarıdır, amma yaqalanğan ecnebiyler aqqında da malümat bar.
