Soñ yılları qırımtatarlar aqıllı siyasiy liderler olmağa başladı.
Bu kibi fikirni Qırım.Aqiqatqa Ankarada keçirilgen Bütündünya qırımtatar kongressiniñ neticelerini talil etken «Tış işler maydanı» fondunıñ eksperti Andrey Klimenko bildirdi.
«Müsbet meyil bar, yani bir buçuq yıl içinde – Menlik inqilâbı devamında, qırımtatarlar Kiyevde aktiv iştirak etkende, ve işğal devamında – çoq yıllıq iş tecribesi olğan eski gvardiyadan ğayrı, 35-40 yaşında – orta nesil büyüdi, – dey Klimenko. – Olar közlerimiz ögünde zekiy siyasiy liderlerge çevirile. Muayyen mevamı olğan ve ecnebiy tillerni bilgen 20-25-27 yaşında qırımtatar gençleri de özüni olduqça parlaq kösterdi».
Klimenkonıñ fikrine köre, bu – qırımtatarlarnıñ milliy areketi «sağlam ve içinde yedek bar olğanını» tasdiqlay.
Avgust başında Türkiye paytahtı Ankarada II Bütündünya qırımtatar kongressi keçirildi. Mında qırımtatarlarnıñ Vatanı – Qırımdaki vaziyetleri muzakere etildi. Toplaşuv devamında Kongress prezidentini sayladılar ve dünya toplulığı, qırımtatarlarğa bir sıra muracaat ve beyanname qabul etildi.
