Kaliningradda Litvaniya konsullığı doğuv yeri – Qırım Rusiye territoriyası olaraq belginlengen rusiyelige vizanı bermedi.
Bu aqta Litvaniya Tış işler nazirliginiñ matbuat kâtibi Kâstutis Vaşkâlâviçüs bildirdi.
Onıñ sözlerine köre, rusiyeli oña sadeleştirgen tranzit vesiqasını bermege rica etti.
«Avropa Birligi uquqına köre, sadeleştirgen tranzit vesiqası şengen vizasına teñ kele, Viza qanunnamesine binayen, şengen vizasınıñ berilmemesi içün sebep bar edi», – dey Vaşkâlâviçüs.
RU passport LTU consular services can’t accept -no entry to LTU: 1992, 2013 and now #CrimeaisUkraine, not #Russia
Litvaniya Tış işler nazirliginiñ twitterinde pasportnıñ daa 2013 senesi dekabr ayında berilgenini tasdiqlağan vesiqanı aşkâr ettiler.
Ukraina ve Avropa birliginiñ memleketleri Qırımnı 2014 senesi mart ayında yarımadanı işğal etken Rusiyeniñ territoriyası olaraq tanımay.
