Yaltada ğayrıdan qurulacaq urba çarşısını bir yıldan soñ qapatacaqlar. Bu kibi añlaşmağa iş adamları ve çarşı saipleri Yalta memuriyetinde üç taraflama körüşüvi devamında keldiler.
Ğayrıdan quruv oktâbr birinden başlanıp, 8,5 ay sürmek kerek edi. Yalta memuriyetiniñ başı Andrey Rostanko çarşı tamiri mıtlaqa olmaq kerekligini qayd etti.
«Olğanı kibi qaldırmağa mümkün degil, bunı özüñiz de añlaysız. Çarşı yanğınğa qarşı, sanitar ve tehnologik qaidelerge riayet etmey. İnşaatlar qazaiy aldadır, tış körünişi de zayıftır», – dey Rostenko.
Körüşüvde iş adamları ve çarşı müdirligi arasında memorandumnıñ imzalanuvı aqta añlaştılar.
«İş-adamlarınıñ küz-qış mevsimine malnıñ satın aluvı ile bağlı qıyınlıqlarını nazarğa alıp, çarşı saibi ğayrıdan quruv müddetlerini başqa vaqıtqa keçirmege qarar aldılar», – denile memorandumda.
Ğayrıdan quruvnı 2016 senesi dekabr 31 başlamağa qarar aldılar.
