Link açıqlığı

Klimkin Ankaradaki kongresste Türkiyeniñ Rusiyege qarşı cezalarğa qoşulmamasını gizlice tenqit etti – ekspert


Ankarada Bütündünya qırımtatar kongressinde Tış işler naziri Pavlo Klimkinniñ Türkiyege Ukraina topraq bütünligine qol tutuvı içün teşekkür sözleri aqiqaten tenqit edi. Bu aqta «Tış işler Maydanı» fondunıñ eksperti Andrey Klimenko bildire.

«Nazir tarafından diplomatik dеmarche olmasa da, olduqça mısqıllı çıqış oldı. O, fırsattan faydalanıp, Türkiyege daa bir kere Ukraina topraq bütünligine qol tutqanı ve işğalni tanımağanı sebebinden teşekkürlerimni bildirem, dedi. Ve birden cezalarğa keçti, olarnı kirsetmege devam etecekmiz, dep. Bundan soñ halqara cezalar aqqında söz yürütmege başladı. Türkiye ise olarğa qoşulmadı ve er vaqıt qoşulmaycağını bildire edi. Böylece, Tış işler naziri Türkiyege Ukraina ve qırımtatarlarğa qol tutqanı içün teşekkürlerini bildirip, Türkiyeniñ yapmağan şeyleri içün de minnetdarlığını qayd etti. Tenqitniñ böyle bir gizli şeklidir. Türkiye yolbaşçıları bunı yahşı añlağandırlar, dep tüşünem»«, – dedi Klimenko Qırım.Aqiqatqa.

Avgust başında Türkiye paytahtı Ankarada II Bütündünya qırımtatar kongressi keçirildi. Mında qırımtatarlarnıñ Vatanı – Qırımdaki vaziyetleri muzakere etildi. Toplaşuv devamında Kongress prezidentini sayladılar ve dünya toplulığı, qırımtatarlarğa bir sıra muracaat ve beyanname qabul etildi.

XS
SM
MD
LG