Keriç parom keçitiniñ işini nezaret etken «Deñiz müdirligi» avgust 6-8 künleri Keriç boğazı rayonında ava şaraitleriniñ bozuluvı mümkün olğanı aqta bildire. Yel küçüniñ artmasından sebep keçitte beklev vaqtı da uzana bile, dep bildire matbuat hızmeti.
«Yel küçüniñ 20 m/s qadar artması, furtuna havfı beklenile», – denile beyanatta.
«Parom keçitini beklev vaqtınıñ artması ve parom keçitiniñ işinde problemlerniñ olması mümkün», – dep qoşalar mında.
Çarşenbe künü, avgust 5-de, Keriç keçitinde beklev vaqtı dört saatke qısqartılğanı aqta bildirgen ediler.
