Ankarada Bütündünya qırımtatar kongressine Özbekistandan qırımtatarlarnıñ kelmegeni olarnıñ memleket yolbaşçılığı tarafından sıqıştırılğanını tasdiqlay, dep bildire «Tış işler Maydanı» fondunıñ eksperti Andrey Klimenko.
«Bu – qırımtatarlarnıñ sayısı çoq olğan territoriyalardan biri – sürgünlikniñ esas yerlerinden biridir, anda şimdi de bir 100 biñ qırımtatarı yaşay. Eminim ki, bu memleketniñ şimdiki yolbaşçılığınıñ mevamı ile bağlıdır. Qırımtatar teşkilâtlarına qaba sürette kongresste iştirak etmemege tevsiye etkendirler», – dedi o Qırım.Aqiqat mühbirine.
Aynı zamanda Klimkin Kongresste Rusiye vekilleriniñ bulunğanını qayd etti.
Avgust başında Türkiye paytahtı Ankarada II Bütündünya qırımtatar kongressi keçirildi. Mında qırımtatarlarnıñ Vatanı – Qırımdaki vaziyetleri muzakere etildi. Toplaşuv devamında Kongress prezidentini sayladılar ve dünya toplulığı, qırımtatarlarğa bir sıra muracaat ve beyanname qabul etildi.
