Aqmescitte adetiy er yıllıq mektep bazarında satıcılarnıñ aytqanı kibi, fiyatlar keçken senege köre 50 fıyzğa arttı, bazı aletler – 70%, haber ete Qırım.Aqiqat.
Mektep çarşısı Aqmescitte avgust 1 künü işlemege başladı, amma sentâbr 1-ne azırlanmağa aşıqqan ana-babalarnıñ sayısı çoq degil. «Er kes deñizde, balalar lagerlerde, birinci künü aqım bar edi, endi raatlıq künlerini bekleymiz, belki, müşterilerniñ sayısı çoqlaşır», – deyler iş adamları.
Qırım.Aqiqatqa müşterilerniñ aytqanı kibi, balanı mektepke azırlamaq içün bir 20 biñ ruble (7 biñ grivna) kerek olur. «Bu sport urbasız», – deyler ana-babalar.
Bu sene mektep çarşısı Aqmescitte Salğır boyu yerleştirildi. Kirova caddesinden yerli muzıkal oquv yurtuna qadar, bir ay çalışacaq.
Evel bildirilgeni kibi, Qırım akimiyeti oquv yılınıñ başlanmasını sentâbr 15-ne keçirmek kibi deñevge azırdır.
