Tataristannıñ yañı ava şirketi «YUVT-Aero» bu afta Qazandan Aqmescit ve Soçige ve keri ava seferlerini aça, dep bildirdi TASS agentligine naqliyat ve yol hocalığı nazirliginiñ matbuat hızmeti Nailâ Klevleyeva.
«Avgust 7-den Aqmescitke muntazam sürette ava seferleri keçirilecek. Avgust 8-den Soçige daimiy sefer açılacaq», – dey o.
Uçuşlar 50 insannı sığdırğan Bombardier CRJ200 uçaqlarında etilecek.
2014 senesi mart ayında Rusiye yarımadanı işğal etken soñ Qırım ava limanları Ukraina ükümetiniñ qararı ile qapatıldı. Anda kerçekleştirilgen ava seferleri Ukraina qanunlarını ve halqara qaidelerni bozmaqta, böylece ava şirketleri Ukraina ve ICAO halqara cezalarına oğray bile.
Al-azırda yalıñız Rusiye ava şirketleri Qırımğa uçaq seferlerini kerçekleştire.
