Link açıqlığı

Saatnıñ esas haberi

İlyasov Rusiye tarafdarı «Qırım» teşkilâtını teşviqat ete


Qırımnıñ rusiyeli Devlet Şurasınıñ spiker muavini Remzi İlyasov yarımadanıñ İslâm-Terek rayonında qırımtatаr halqı ile körüşti. Rayonnıñ rusiyeli memuriyetiniñ matbuat hızmeti bildirgeni kibi, körüşüvde İlyasov «Qırım» cemaat areketiniñ faaliyeti ve bir yıl içinde qırımtatar halqınıñ taqdirinde olğan deñişüvler aqqında tarif etti.

«Biz 23 yıl devamında yapılmağan şeyni bir yıl içinde yapıp oldıq! Böylece, misal içün, Aqmescitte 180 daireli ev quruldı. Olardan 90 daire endi insanlarğa berildi, daa 90 berilecek. Bağçasarayda 70 daireli ev sakinlerini bekley. Aqmescit rayonı «Hoşkeldi» qasabasında bir 500 ailege gaz keçirildi», – bildire İlyasovnıñ sözlerini matbuat hızmeti.

Onıñ sözlerine köre, «Qırım» akimiyet ile Rusiye qanuniyeti çerçivesinde işbirlikte bulunıp, halqnıñ meselelerini çeze.

Rusiye tarafdarı olğan «Qırım» cemaat areketi 2014 senesi dekabr ayında teşkil etildi.

Malüm olğanı kibi, «Qırım» konferentsiyasınıñ işitirakçileri Türkiye prezidenti Recep Tayip Erdoğanğa Bütündünya qırımtatar kongressine qol tutmamaq rica ettiler.

XS
SM
MD
LG