Link açıqlığı

«Yedinaya Rossiya» deputatı Bütündünya qırımtatar kongressini «siyasiy macera» olaraq adladı


Qırımnıñ rusiyeli Devlet şurasınıñ «Yedinaya Rossiya» firqasından deputatı Lentun Bezaziуеv Ankarada raatlıq künleri keçirilgen Bütündünya qırımtatar kongressini «siyasiy macera» olaraq adladı.

«Birinci Kongress keçirilgen 2009 senesi teşkilâtçılarğa qol tutıp, qırımtatar halqınıñ yañıdan doğuvı içün faydalı bir şey olacağına ümüt besley edim. Soñu ne oldı? Nizamname yoq, programma yoq. Grant aldılar, paranı masraf ettiler. Bu sefer de öyle olacaq», – dedi Bezaziyev Qırım.Aqiqatqa.

Deputatnıñ fikrine köre, «mezkür kongress tarikten ğayrı bir şey bermez».

«Kongresste tek iñley ediler: anda öyle, mında böyle. Razım, qırımtatar halqınıñ abadanlaştıruvı ile bayağı sual daa bar. Bunıñ ile, şunı qayd eteyim, Qırım akimiyeti soñunace yapamadı, o milletlerara munasebetlerniñ emiyetini kerekli derecede añlamay. Amma, menimce, Qırım yolbaşçılığında muayyen deñişüvler daa olacaqtır», – dey Bezaziyev.

«Fevral 26» işi boyunca Rusiye taqiqat organlarına sorğuğa çağırılğanı sebebinden Ankarağa kelip olamağan Qırımtatar Milliy Qurultayınıñ Merkeziy saylav komissiyasınıñ reisi Zair Smedlâyev dey ki, qırımtatarlar, II Bütündünya qırımtatar kongressini keçirip, «Qırımda keçken ve alâ daa olayatqan adiseler boyunca halqnıñ mevamını bütün dünyağa kösterdiler».

Avgust başında Türkiye paytahtı Ankarada II Bütündünya qırımtatar kongressi keçirildi. Mında qırımtatarlarnıñ Vatanı – Qırımdaki vaziyetleri muzakere etildi. Toplaşuv devamında Kongress prezidentini sayladılar ve dünya toplulığı, qırımtatarlarğa bir sıra muracaat ve beyanname qabul etildi.

XS
SM
MD
LG