Öldürilgen Rusiye muhalifi Boris Nemtsovnıñ qızı Janna oña berilgen «Birdemlik» leh mukâfatından paranı Kiyevden sputnik ağı vastası ile yayınlanğan ATR qırımtatar telekanalına ayıracaq ola.
Bu aqta ATR telekanalında Zaman programması efirinde bildirdiler.
Telekanal aqqında aytqanda, Janna Nemtsova «bu söz serbestliginiñ qalesi ve yarımada vaziyeti aqqında kerçek haberler» olğanını qayd etti, – dey haberlerniñ alıp barıcısı.
700 biñ yevro Nemtsovnıñ qızı Ukrainağa hayriye leyhalarnıñ destegine, şu cümleden Kök yüzü ailelerine berecek ola.
Evel bildirilgeni kibi, aynı bu mukâfatnı qırımtatarlarnıñ milliy yetekçisi Mustafa Cemilev elde etip, o vaqıt Kök yüzü ailelerine 100 biñ yevro bergen edi.
Cemilev 2014 senesi oña berilgen mukâfatnı Ukraina ve qırımtatarlarğa vaqtı-vaqtına kösterilgen maneviy yardım olaraq tanıy.
Leh Valensa adına Birdemlik Mukâfatı 1989 senesi iyün 4 künü keçirilgen qısmiy serbest saylavlarnıñ 25 yıllığına bağışlanıp tesis etildi. Para miqdarı – 1 million evro.
Aprel 1-den dünyada yekâne ATR qırımtatar telekanalı, Rusiye litsenziyasını elde etalmayıp, yarımadada yayınlavını toqtattı.
