Link açıqlığı

Cemilev Warszawada Birdemlik Mukâfatını taqdim etüv tedbirinde iştirak ete


Ukraina prezidentiniñ qırımtatar halqınıñ işlerinden vekâletlisi Mustafa Cemilev salı künü Poloniya paytahtı Warszawada buluna.

«Bugün Mustafa Cemilev Poloniyanı ziyaret etti. Mında Birdemlik Mukâfatını (Nagroda Solidarności) taqdim etüv merasimi keçe», – haber ete matbuat hızmeti.

Qırımtatarlarnıñ yetekçisi Mustafa Cemilev 2014 senesi bu mukâfatnı elde etken birinci insan oldı.

Bu sene mukâfat Rusiye muhalifiniñ büyük qızı Janna Nemtsovağa berildi.

Leh Valensa adına Birdemlik Mukâfatı 1989 senesi iyün 4 künü keçirilgen qısmiy serbest saylavlarnıñ 25 yıllığına bağışlanıp tesis etildi.

Cemilev 2014 senesi oña berilgen mukâfatnı Ukraina ve qırımtatarlarğa vaqtı-vaqtına kösterilgen maneviy yardım olaraq tanıy.

Mustafa Cemilev aytqanı kibi, «işğal etilgen Qırımnıñ soñki metri azat etilmegence», Rusiyege qarşı cezalar arttırılmaq kerektir.

XS
SM
MD
LG