Link açıqlığı

Qırımda Tair Smedâlevniñ işi boyunca mahkeme toplaşuvını başqa künge keçirdiler


2014 senesi mayıs 3 künü qırımtatarlarnıñ milliy lideri Mustafa Cemilevni qarşılavı vaqtında uquq qoruyıcı organı hadimine qarşı küç qullanuvda qabaatlanğan qırımlı Tair Smedlâyevniñ işi boyunca mahkeme toplaşuvını avgust 18-ne keçirdiler.

Qırım.Aqiqatqa Tair Smedlâyevniñ ağası, Qırımtatar Milliy Qurultayınıñ Merkeziy Saylav komissiyasınıñ reisi Zair Smedlâyev aytqanı kibi, qabaatlanğannıñ adliyecisi Emil Kürbedinov salı künü, avgust 4-de, aynı şu künü Yaltada keçken toplaşuvda iştirak etkeni sebebeinden Ermeni Bazarğa kelip yetiştirmedi.

«Mahkemeci toplaşuvnı avgust 18-ne saat 15:00 keçirmege qarar aldı», – dey Smedlâyev.

Tair Smedlâyevni 2014 senesi oktâbr ayında yaqaladılar. 2014 senesi dekabr ayında Tair Smedlâyevni kefalet boyunca azat ettiler.

Evel Qırımda Ermeni Bazarnıñ şeer mahkemesi Aqmescit rayonınıñ 45 yaşında sakini Edem Ebulisovnı qabaatlı tanıdı ve oña 40 biñ ruble miqdarında para cezasını berdi.

XS
SM
MD
LG