Link açıqlığı

Saatnıñ esas haberi

Ukraina prezidenti Petro Poroşenko işğal etilgen Qırmda Rusiyeniñ 60 biñ arbiy hızmetçisi, Donbassnıñ işğal etilgen territoriyalarında – 9 biñ arbiy hızmetçisi bulunğanını bildire.

Bu aqta o «Kurier» Avstriya neşirine ayttı.

«Zemaneviy silâsı olğan Rusiye askerleri territoriyanı bastı. Qırımda 60 biñ asker buluna. Halqara uquqnıñ qaba bozuluvıdır», – dey o.

Prezident şunı dey ki, Rusiye akimiyetine ne qadar musaade etseler, öyle de o uzaq keter.

«Rusiye Finlândiyağa ücüm ete bilemi? E. Baltiya memleketlerine ücüm ete bilemi? E. Qara deñiz yanındaki memleketlerge ücüm ete bilemi? E. Memleketimizniñ şarqında biz yalıñız öz devletimizniñ mustaqilligi oğrunda degil, demokratiya, Avropa serbestligi ve havfsızlığı oğrunda küreşemiz», – dedi Poroşenko.

Rusiye Qırımnı 2014 senesi mart ayında işğal etti. Ğarp memleketleri işğalni tanımay ve Rusiyege qarşı iqtisadiy cezalarnı kirsete.

XS
SM
MD
LG