Link açıqlığı

Saatnıñ esas haberi

İvano-Frankovsk – Dnepropetrovsk treni endi Novoalekseyevkağa qadar yürecek


Ukraina demir yol naqliyatınıñ devlet memuriyeti İvano-Frankovsk – Dnepropetrovsk poyezdiniñ marşrutını Novoalekseyevkağace uzattı.

Matbuat hızmetiniñ malümatına köre, yañı cedvel boyunca tren avgust 7-29 künleri yürecek.

«Yolcularnıñ oñaytlığı içün № 231/232 İvano-Frankovsk – Dnepropetrovsk poyezdiniñ marşrutı Novoalekseyevkağace uzattırıldı, Zaprojye, Tavriysk ve Melitopolden keçecektir», – denile beyanatta.

İşbu cedvel boyunca tren avgust 7-29 tek künleri qatnaycaq. İvano-Frankovsktan: avgust 15-ne qadar – saat 15:31, avgust 17-29 – 15:22. Dnepropetrovskqa saat 11:40 kele ve saat 12:11 çıqa, Novoalekseyevkağa – saat 17:50 kele.

Avgust 31 künü № 231/232 treni İvano-Frankovsk – Dnepropetrovsk marşrutı boyunca yürecek.

Novoalekseyevkadan keri tren avgust 8-30, çift künleri, saat 10:10 çıqacaq. Dnepropetrovskqa saat 16:52, İvano-Frankovskqa saat 13:24 kele.

Bıltır Ukraina işğal etilgen Qırım ile naqliyat alâqasını toqtattı. Yarımadağa qatnağan trenler endi Herson vilâyeti Novoalekseyevkağa qadar bara.

Rusiye Qırımnı 2014 senesi mart ayında işğal etti.

XS
SM
MD
LG