Rusiyeniñ Yuqarı mahkemesi sentâbr 2 künü beş yıllıq apis cezasını alğan Hayser Cemilev imayesiniñ şikâyet arizasını baqacaq. Bu aqta twitterde advokatı Nikolay Polozov bildire.
Polozov Ukrinform agentligine bildirgeni kibi, Rusiye Ukrainanıñ kence Cemilevniñ Ukrainağa berilmesi aqta soravına cevap bermedi, şunıñ içün soravnı tekrar yolladılar.
Advokat Hayserniñ toplaşuvda video bağı vastası ile iştirak etecegini bildirdi.
обраних твітів
Hayser Cemilevni 2013 senesi mayıs 27-de onıñ Bağçasaraydaki evinde yaqaladılar. Anda 44 yaşında Fevzi Edemov öldürilgen edi. Militsiya Cinaiy kodeksniñ 115-inci maddesiniñ 1-inci qısmı boyunca (planlaştırılğan öldürüv) cinaiy iş açtı.
Aqmescitniñ Kiyev rayon mahkemesi Hayser Cemilevni apiske aldı. Qırım işğalinden soñ taqiqat organları bu işni ğayrıdan taqiq etmege qarar berdiler. Hayserni Qırım SİZOsından Krasnodar ülkesine alıp kettiler.
