Link açıqlığı

Saatnıñ esas haberi

2015 senesi küzde Cambridge universitetinde (Büyük Britaniya) qırımtatar tili ve medeniyeti boyunca derslerni keçirmege planlaştıralar.

Bu aqta Cambridge universitetinde Ukrain studiyaları bildire.

«Ankarada Bütündünya qırımtatar kongressiniñ bitmesi munasebeti ile, Cambridge universitetinde Ukrain studiyaları bildirgeni kibi, 2015 senesi küzde qırımtatar tili ve medeniyeti boyunca derslerniñ keçirilmesini teklif etecek olalar. Böyle bir şey Büyük Britaniya universitetinde ilk sefer keçecek. Student ve aspirantlarnıñ qırımtatarlar aqqında daa da çoq malümatnı ögrenmege imkânları olur», – denile beyanatta.

Tafsilâtlı malümatnı birazdan bermege vade eteler.

Bildirilgeni kibi, Türkiye paytahtı Ankarada avgust 1-2 künleri Bütündünya qırımtatar kongressi keçti. Qırımnıñ Rusiye akimiyetiniñ qırımtatarlarğa nisbeten ayırımları sebebinden forumnı Qırımda keçirip olamadılar. Bundan da ğayrı, yarımadağa kiriş Mustafa Cemilev ve Refat Çubarovğa yasaq etildi. Kongresske Meclis azalarınıñ çoqusı kelip olamadı. Olarnı forumnıñ keçirilüv künü «fevral 26 işi» boyunca sorğuğa çağırdılar.

XS
SM
MD
LG