Link açıqlığı

Saatnıñ esas haberi

Qırım akimiyeti oquv yılınıñ avuştıruvı boyunca deñevge azır


Qırım akimiyeti oquv yılı başlanmasınıñ biraz avuştıruvı boyunca deñevge azır, dep bildirdi RİA Novosti agentligine Qırımnıñ Rusiye ükümetiniñ baş naziriniñ birinci muavini Mihail Şeremet.

Neşir yazğanı kibi, evel Rusiye prezidentiniñ muavini İgor Levitin «küzniñ birinci künleri turizm içün ava oñaytlı olğanından sebeр» oquv yılınıñ başlanmasını sentâbr 1-den 15-ne avuştırmağa teklif etti.

«Öyle zaruriyet olğanını tüşünmeyim, amma bu kibi qarar alınsa, deñeyik, belki bir yıl yapıp baqarmız, nasıl olur. Olmazmı, deñemek kerek», – dedi Şeremet.

O dey ki, Qırımğa qadife mevsimi bam-başqan turistler kele eken.

Evel Qırımnıñ Rusiye ükümetiniñ matbuat hızmeti bildirgeni kibi, 2015 senesi turistik aqım 16,5% arttı ve 2,02 million insanğa yetti.

XS
SM
MD
LG