Link açıqlığı

Qırımtatarlarnıñ milliy yetekçisi, Ukraina prezidentiniñ qırımtatar halqınıñ işlerinden vekâletlisi Mustafa Cemilev vatandaşlarını «Qırım içün soñunace küreş etecegine» işandırdı.

Bu aqta o Bütündünya qırımtatar kongressi keçken Ankarada (Türkiye) jurnalistlerge bildirdi, haber ete Qırım.Aqiqat mühbiri.

«Semetdeşlerimni işandırmağa isteyim: küreş soñuna qadar devam etecek, biz mıtlaqa öz toprağımızda yaşaycaqmız», – dey Cemilev.

Evel bildirilgeni kibi, Cemilevniñ teklifi ile nevbetteki kongressni Qırım paytahtı ya da Kiyevde keçirmege qarar aldıar.

Bildirilgeni kibi, Türkiye paytahtı Ankarada avgust 1-2 künleri Bütündünya qırımtatar kongressi keçe. Qırımnıñ Rusiye akimiyetiniñ qırımtatarlarğa nisbeten ayırımları sebebinden forumnı Qırımda keçirip olamadılar. Bundan da ğayrı, yarımadağa kiriş Mustafa Cemilev ve Refat Çubarovğa yasaq etildi. Kongresske Meclis azalarınıñ çoqusı kelip olamadı. Olarnı forumnıñ keçirilüv künü «fevral 26 işi» boyunca sorğuğa çağırdılar.

XS
SM
MD
LG