Link açıqlığı

Poklonskaya: «fevral 26» işi boyunca malümatlarnı mahkemege avgustnıñ soñunda – sentâbr başında berecekler


2014 senesi fevral 26 künü Qırım parlamentiniñ divarları altında keçken kütleviy tertipsizlik aqqında malümatlarnı mahkemege avgustnıñ soñunda – sentâbr başında berecekler. Bu aqta Qırımnıñ Rusiye prokurorı Natalya Poklonskaya bildirdi.

«Tertipsizlikler aqqında cinaiy işni mahkemege 2015 senesi avgustnıñ soñunda – sentâbr başında berecekler», – yazdı o Facebookta bazar künü.

Poklonskaya dey ki, bugün bu işte birinci şeklengen insan – apiste bulunğan Meclis reisiniñ muavini Ahtem Çiygozdır. «A.Çiygoz ve onıñ tarafdarlarınıñ yapqan cinayetleri neticesinde elâk olğan eki insan bar. Şunıñ içün qırımtatar halqınıñ aqları bozuluvında mühtekirlik etmege, sanki qanunsız taqiplerni teşkil ettiler, kerekmey. Eki vefat etken insan aqqında tüşünmek kerek, olardan biri – qırımtatarıdır. Bunı afu etmek kerekmizmi?!» – yaza Qırımnıñ Rusiye prokurorı.

«Кütleviy numayışlarnı teşkil etüv ve iştirak etüvde şeklengen» Qırımtatar Milliy Meclisiniñ reis muavini Ahtem Çiygoz yanvar 29-da yaqalandı. Onı 2015 senesi fevral 19-ğa qadar apiske aldılar, soñra da apis müddetini mayıs 19-ğa qadar arttırdılar.

Aqmescitniñ Kiyev rayon mahkemesi iyül 28 künü Çiygoznı 2015 senesi noyabr 19-na qadar apiste qaldırdı.

XS
SM
MD
LG