Bazarertesi künü, avgust 3-de, saat 3:35 Odessada militsiya Kanatnaya, 35 adresi boyunca yerleşken binada patlav aqqında haber aldı. Qaza yerine taqiqat gruppası ve patlav tehnikiy hızmetiniñ mütehassısları çıqtı, haber ete Odessa militsiyasınıñ şeer idaresiniñ matbuat hızmeti.
«Militsiya hadimleri aytqanı kibi, qolnen yasalğan patlav aleti işledi. Neticede pencere sındı ve «Odessa imayesi» cemaat teşkilâtınıñ odasına kiriş qapıları bozuldı», – denile beyanatta.
Patlav neticesinde zarar körgenler yoq, deyler uquq qoruyıcılar.
Endi yıl devamında Odessada gece patlavları yüz bere. Cinayetçiler patlav aletlerini Ukraina tarafdarları ya da göñülli teşkilâtlarınıñ ofisleri yanında yerleştireler.
