Link açıqlığı

Saatnıñ esas haberi

Ankarada Kongress Ukraina topraq bütünliginiñ ğayrıdan tiklenüvi boyunca acele qararlarnıñ zaruriyeti aqta bildirde – yekünleyici beyanname


Bütündünya qırımtatar kongressi Qırım qırımtatarlarnıñ tarihiy Vatanı olğanını bildire.

Forumda bazar künü, avgust 2-de, qabul etilgen yekünleyici beyannamede öz-özüni belgilev aqqı yalıñız Qırımnıñ tarihiy ve tamır halqı olğan qırımtatar halqına ait olğanı qayd etile.

Bunı Ankaradan Qırım.Aqiqat mühbiri bildire.

«Rusiye Federatsiyası tarafından etilgen qanunsız Qırım işğaliniñ acele toqtatılması ve Ukraina topraq bütünliginiñ ğayrıdan tiklenüvi boyunca bütün zaruriy qararlar alınmalı. Ukrainanıñ yañı Anayasasında qırımtatarlarğa idare aqqı, milliy-territorial muhtariyet ve özüni belgilev aqları qayd etilmek kerektir», – denile vesiqada.

Bundan da ğayrı, vesiqada Qırımnı işğal etken Rusiye Federatsiyası hafsızlıq, iqtisadiy ve içtimaiy ayatta olğan bütün bozuluvlar içün mesüliyetli olğanı qayd etile.

Kongresste «Bütündünya qırımtatar kongressi» halqara cemaat teşkilâtınıñ meydanğa ketirilmesi aqta qarar alındı. Onıñ esas vazifesi – halqara sanada qırımtatar halqınıñ idare organları: Qırımtatarlarnıñ Milliy Qurultayı ve Milliy Meclisine destek kösterüv olacaqtır.

Bildirilgeni kibi, Türkiye paytahtı Ankarada avgust 1-2 künleri Bütündünya qırımtatar kongressi keçe. Qırımnıñ Rusiye akimiyetiniñ qırımtatarlarğa nisbeten ayırımları sebebinden forumnı Qırımda keçirip olamadılar. Bundan da ğayrı, yarımadağa kiriş Mustafa Cemilev ve Refat Çubarovğa yasaq etildi. Kongresske Meclis azalarınıñ çoqusı kelip olamadı. Olarnı forumnıñ keçirilüv künü «fevral 26 işi» boyunca sorğuğa çağırdılar.

XS
SM
MD
LG