Link açıqlığı

Saatnıñ esas haberi

Qırımtatarlarnıñ yetekçileri Erdoğan ile körüşecekler – Çubarov


Bazarertesi künü, avgust 3-de, saat 11:00 qırımtatar halqınıñ yetekçileri Türkiye Cumhuriyetiniñ prezidenti Recep Tayip Erdoğan ile körüşecekler.

Bu aqta bazar künü, avgust 2-de, Ankarada II Bütündünya qırımtatar kongressiniñ qapaluvında Kongress prezidenti, Qırımtatar Milliy Meclisiniñ reisi Refat Çubarov bildirdi, haber ete Qırım.Aqiqat mühbiri.

Körüşüvniñ tafsilatlarını Çubarov bildirmedi.

Bundan evel Meclis yetekçileri Türkiye baş naziri Ahmet Davutoğlu ile körüştiler.

Türkiye Cumhuriyetiniñ yolbaşçılığı qırımtatarlarğa Qırım işğali ile küreşlerinde tam destegini bildirdi.

Rusiye Qırımnı 2014 senesi mart ayında işğal etti. O vaqıtta bir 10 biñ qırımtatarı yarımadanı terk etti ve qıtaiy Ukrainağa köçti.

XS
SM
MD
LG