Avgust 1-2 künleri Bütündünya qırımtatar kongressi keçirilgen Türkiye paytahtında Türkiye baş naziri Ahmet Davutoğlunıñ qırımtatar yetekçileri – Ukraina prezidentiniñ qırımtatarlarnıñ işlerinden vekâletlisi Mustafa Cemilev, II Bütündünya qırımtatar kongressiniñ prezidenti, Meclis reisi Refat Çubarov ve Meclis reisiniñ muavini Aslan Ömer Qırımlı ile körüşüvi keçti.
Bu aqta Meclisniñ matbuat hızmeti bildire. Bunıñ ile körüşüv tafsilâtları bildirilmey.
Evel Türkiye Cumhuriyetiniñ yolbaşçılığı qırımtatarlarğa Qırım işğali ile küreşlerinde tam destegini bildirdi.
Rusiye Qırımnı 2014 senesi mart ayında işğal etti. O vaqıtta bir 10 biñ qırımtatarı yarımadanı terk etti ve qıtaiy Ukrainağa köçti.
