Link açıqlığı

Qırımdan Meсlis yetekçileriniñ video muracaatını Ankaradaki Bütündünya qırımtatar kongressiniñ vekilleri el çırpmalar ile qarşıladılar. Bu aqta Ankaradan Qırım.Aqiqat mühbiri bildirde.

Facebookta Ukraina prezidentiniñ qırımtatar halqınıñ işlerinden vekâletlisi Mustafa Cemilev yazğanı kibi, yasaqlar, qorquzuv, mahkemelerge çağıruvlar ve taqipler sebebinden Mecis azalarınıñ çoqusı Qırımdan çıqıp, Kongress işinde iştirak etip olamadı.

«Amma olarnıñ sesi episi bir Ankarada toplaşuv salonında eşitildi», – dey Cemilev.

Bildirilgeni kibi, öz video muracaatlarında Bütündünya qırımtatar kongressiniñ vekilleri tuvğanlarınıñ havfsızlığı içün qasevet çekkenini bildirdiler.

«Qorquzuv siyasetiniñ, şu cümleden qanunsız silâlı teşkilâtlar tarafından olğan areketlerniñ, neticesi şu ki, biz aile, tuvğanlarımız içün telükesizlikni duymaymız», – dey muracaatta Qırımtatar Milliy Meclisiniñ reisi muavini Nariman Celâl.

Qurultaynıñ Merkeziy saylav komissiyasınıñ başı Zair Smedlâyev dey ki, olğan manialarğa baqmadan, Qırım delegatları iştiraksiz qalmağa istemeyler, şunıñ içün işbu muracaatnı yazdılar.

İyül 28 künü Qırımda Rusiye Taqiqat komitetiniñ idaresi Ankarada Bütündünya qırımtatar kongressiniñ keçirilmesi vaqtında Qırımtatar Milliy Meclisi reisiniñ birinci muavini Nariman Celâl, Qırımtatar Milliy Qurultayınıñ Merkeziy saylav komissiyasınıñ reberi Zair Smedlâyevge Qırımdan çıqmağa yasaq etti.

XS
SM
MD
LG