Link açıqlığı

Ukraina Mudafaa nazirligi yanındaki musulman batalyonına tek qırımtatarlar kirmeycek – Cemilev


Ukraina prezidentiniñ qırımtatar halqınıñ işlerinden vekâletlisi Mustafa Cemilev Ukraina Silâlı quvetlerinde musulmanlardan ibaret olacaq batalyonınıñ teşkil etilmesi aqta qarar alınğanını bildirdi.

«Şimdi Ukraina Mudafaa nazirligine tabi olacaq ve Qırım ile sıñırdaş Herson vilâyetinde yerleşecek musulman batalyonınıñ teşkil etilmesi aqta qarar alındı. Bu batalyonda çeçenler, inguş, azerbaycan, özbek ve Ukraina topraq bütünligi ve mustaqilliginiñ saqlanıluvına isse qoşmağa istegen diger millet vekilleri hızmet etmege istegini bildirdi», – dedi Cemilev Akanarda (Türkiye) Bütündünya qırımtatar kongressinde.

Evel bildirilgeni kibi, qırımtatarlarnıñ temsilcileri sıñırcılarğa Qırım ile memuriy sıñırda yardım eteler.

Bildirilgeni kibi, Türkiye paytahtı Ankarada avgust 1-2 künleri Bütündünya qırımtatar kongressi keçe. Qırımnıñ Rusiye akimiyetiniñ qırımtatarlarğa nisbeten ayırımları sebebinden forumnı Qırımda keçirip olamadılar. Bundan da ğayrı, yarımadağa kiriş Mustafa Cemilev ve Refat Çubarovğa yasaq etildi. Kongresske Meclis azalarınıñ çoqusı kelip olamadı. Olarnı forumnıñ keçirilüv künü «fevral 26 işi» boyunca sorğuğa çağırdılar.

XS
SM
MD
LG