Link açıqlığı

Ankaradaki Kongress qırımtatar halqına qarşı Rusiye cinayetlerini Halqara mahkemede taqiq etmege rica ete


Bütündünya qırımtatar kongressi halqara toplulıqqa muracaat etip, Qırımnı işğal etken Rusiye Federatsiyası tarafından qırımtatarlarğa qarşı yapılğan cinayetlerni Halqara mahkemede taqiq etmege rica ete.

Bu aqta Kongressniñ dünya toplulığına, BMT, insan aqlarını, demokratiyanı, millet ve devletler tarafından teşkil etilgen birliklerni, milletlerara ve milliy institutlarnı ürmet etken dünya devletlerine muracaatında aytıla, haber ete Qırım.Aqiqat mühbiri. Muracaat bazar künü, avgust 1-de, qabul etildi.

Vesiqada qayd etilgeni kibi, söz daimiy ayırım ve taqipler aqqında , Rusiyede buña qol tutqan insanlarnıñ cezalandırılması aqta kete.

Bunıñ ile Kongress iştirakçileri qırımtatar ealisiniñ temsilcilerini halq olaraq yoq etilmesi, olarnıñ Vatan tışına sürgün etilüvi, serbestlik, havfsızlıq bozuluvı, ayat ve mülkiyetniñ ihmalında qabaatlı olğan şahıslarnıñ yaqalanuvında ve qırımtatarlarğa ketirilgen ziyanlarnıñ tazmin etüvinde yardımcı olmağa rica eteler.

Bildirilgeni kibi, Türkiye paytahtı Ankarada avgust 1-2 künleri Bütündünya qırımtatar kongressi keçe. Qırımnıñ Rusiye akimiyetiniñ qırımtatarlarğa nisbeten ayırımları sebebinden forumnı Qırımda keçirip olamadılar. Bundan da ğayrı, yarımadağa kiriş Mustafa Cemilev ve Refat Çubarovğa yasaq etildi. Kongresske Meclis azalarınıñ çoqusı kelip olamadı. Olarnı forumnıñ keçirilüv künü «fevral 26 işi» boyunca sorğuğa çağırdılar.

XS
SM
MD
LG