Link açıqlığı

Türkiyede qırımtatar diasporasınıñ esas vazifelerinden biri – işğal etilgen Qırımğa nisbeten memleketniñ resmiy mevamını saqlamaqtır. Ankarada Bütündünya qırımtatar kongressiniñ prezidenti, Meclis reisi Refat Çubarov jurnalistlerge añlatqanı kibi, bu – Türkiye iş adamlarınıñ Qırımnıñ Rusiye akimiyeti ile işbirlikniñ olmamasıdır.

Bu aqta Qırım.Aqiqat mühbiri bildire.

«Türkiye diasporası iş adamlarınıñ bazılarına tesir etmeli, çünki bazıda gemiler de qatnay, bazıda Türkiye iş adamları işğal etilgen Qırım ile ticaret alıp barmağa istey. Bunı toqtatacaqmız. Türkiyede de bunıñ ile iç bir zorluq olmamaq kerek, çünki Türkiyeniñ resmiy mevamı – Qırım işğalini tanımamaq, Rusiyeniñ Ukrainağa qarşı cenkine qol tutmamaq, Ukraina topraq bütünligini bozmağa imkân bermemektir», – dey Çubarov.

O şunı da qayd etti ki, diger memleketlerde diaspora vekilleri memleket yolbaşçılıqlarını Rusiyege qarşı areket etmek ve «onı toqtatmaq» mecbur etmeli.

Evel Qırımğa yarımadada 12 mlrd dollar miqdarında yatırım leyhalarını amelge keçirmege azır olğan Türkiye Cumhuriyetiniñ iş adamlarınıñ ziyareti aqqında bildirilgen edi. Ziyaret neticesinde Qırımnıñ Rusiye Nazirler şurası ve Kayseri şeeriniñ «Sanayi sektor teşkilâtı» arasında İşbirlik memorandumı imzalanıldı.

Rusiye Qırımnı 2014 senesi mart ayında işğal etti. Ğarp memleketleri işğalni tanımay ve Rusiyege nisbeten sanktsiyalarnı kirsete.

XS
SM
MD
LG