Link açıqlığı

Ankaradaki Kongress vaqtında Qırımda Meclis yetekçilerinden «onı-bunı» soradılar


Ankarada (Türkiye) Bütündünya qırımtatar kongressiniñ birinci künü Qırımda Rusiye FSB Qırımtatar Millliy Meclisiniñ dört azasını sorğuğa çağırdı – Meclis reisiniñ birinci muavini Nariman Celâlnı, Meclis reisiniñ muavini İlmi Ümerovnı, Qurultaynıñ Merkeziy saylav komissiyasınıñ reisi Zair Smedlâyev ve Aqmescit regional Meclisiniñ reisi Lenmar Yunusovnı.

Meclisniñ matbuat hızmeti bildirgeni kibi, «fevral 26» işi aqqında söz kete edi.

«Bugünki sorğular daa da çoq o ve bu aqqında subetlerge oşay edi. Taqiqatçı bizni bir daqqağa bile artqaç tutmadı. Menimce, bu sorğularnıñ esas maqsadı – bizni endi başlanğan Kongresske yollamamaq olsa, bizni ziyade tutmağa acet yoq edi. Esası, olar biz Qırımda olğanımıznı kördiler ve öz oyunlarını soñuna qadar alıp bardılar. Başqa celpname bizge berilmedi», – dedi Nariman Celâl.

Mecliste şunı da qayd ettiler ki, uquq qoruyıcı organlarnıñ qarşılığı sebebinden Qırımtatar Milliy Meclisiniñ bir çoq azası Ankarada II Bütündünya qırımtatar kongressinide iştirak etip olamay.

Bildirilgeni kibi, Meclis reisiniñ muavinleri Qırımda Kongress vekillerine video muracaatını yazdılar.

2014 senesi fevral 26-da Qırım parlamentiniñ binası ögünde Qırımtatar Milliy Meclisi ve «Rus birliginiñ» bir qaç biñ tarafdarı toplaşqan edi. Tedbirni Meclis reisi Refat Çubarov ve «Rus birliginiñ» lideri Sergey Aksönov teşkil ettiler. Çatışmalar neticesinde eki insan elâk oldı. Rusiye Taqiqat komiteti bundan sebep cinaiy işni açtı.

XS
SM
MD
LG