Link açıqlığı

Refat Çubarov II Bütündünya qırımtatar kongressiniñ iştirakçilerini qırımtatar tilinde çıqışta bulunmağa çağıra


II Bütündünya qırımtatar kongressiniñ Prezidenti Refat Çubarov vekillerge qırımtatar tilinde çıqışta bulunmağa ricası ile muracaat etti. Öz ricasını o kongress canlı yayında kösterilgeni ve onıñ bütün dünyada syir etilgeni ile añlattı, – dep bildire Ankaradan Qırım.Aqiqat mühbiri.

Çubarovnıñ bu teklifi iştirakçilerge rus tilinde muracaat etken vekilniñ çıqışından soñ seslendirildi.

Çubarovnıñ ricasını iştirakçiler el çırpmalar ile qarşıladılar.

Rusiye yarımadanı işğal etken soñ 2014 senesi fevral 27-den bugünki künge qadar 15 biñ qırımtatarı Qırımnı terk etmege mecbur oldı. Qırımtatar halqı liderleriniñ Qırımğa kirişleri yasaq etildi, demokratik yollar vastasınen saylanğan ve bütün dünyada yerli halqlarnıñ idare organlarınıñ örnegi olğan – Qırımtatar Milliy Qurultayı ve Meclisi – faaliyetlerini devam ettirmek imkânından marum qaldılar, olarnıñ mal-mülki ise musadere etildi.

İşbu vaziyetni nazarda tutıp, II Bütündünya qırımtatar kongressini Türkiye paytahtı – Ankarada keçirmek kibi qarar alındı. Ankarada qırımtatarlarnıñ eñ büyük diasporası yaşamaqta.

XS
SM
MD
LG