Link açıqlığı

Ukraina prezidenti Petro Poroşenko Qırımğa, qırımatatar halqınıñ tarihiy Vatanına ukrain devleti terkibinde milliy-territorial muhtariyet statusınıñ berilmesi aqqında «yol haritasınıñ» işlep çıqarılacağını bildirdi. Bu aqta Poroşenkonıñ II Bütündünya qırımtatar kongressi iştirakçilerine muracaatında aytıla.

Poroşenko şunı qayd etti ki, kongress Rusiye tarafından Qırımnıñ muvaqqat işğali şaraitlerinde keçe, «qırımtatar halqı kene terrornı is ete, biñlernen qırımlı yañı telükeden qurtarılmağa mecbur».

O, Ukraina öz halqara şerikleri ile yarımadada qanuniyetni tiklemek ve Qırımğa ukrain akimiyetni qaytarmaq içün bar küçü ile küreşecegini bildirdi.

Ukraina Tış işler naziri Pavlo Klimkin II Bütündünya qırımtatar kongressi iştirakçilerine Ukraina prezidenti Petro Poroşenko adından muracaatnı oqudı.

Kongresste 12 memleketten 500 vekilniñ iştirak etmesi beklenile: Ukraina, Türkiye, Özbekistan, Qazahistan, Qırğızistan, Litvaniya, Romaniya, Poloniya, Frenkistan, Rusiye, AQŞ ve Kanada.

Rusiye yarımadanı işğal etken soñ 2014 senesi fevral 27-den bugünki künge qadar 15 biñ qırımtatarı Qırımnı terk etmege mecbur oldı. Qırımtatar halqı liderleriniñ Qırımğa kirişleri yasaq etildi, demokratik yollar vastasınen saylanğan ve bütün dünyada yerli halqlarnıñ idare organlarınıñ örnegi olğan – Qırımtatar Milliy Qurultayı ve Meclisi – faaliyetlerini devam ettirmek imkânından marum qaldılar, olarnıñ mal-mülki ise musadere etildi.

İşbu vaziyetni nazarda tutıp, II Bütündünya qırımtatar kongressini Türkiye paytahtı – Ankarada keçirmek kibi qarar alındı. Ankarada qırımtatarlarnıñ eñ büyük diasporası yaşamaqta.

XS
SM
MD
LG