Link açıqlığı

Qırımtatar Milliy Meclisiniñ reisi Refat Çubarov avgust 1 künü Ankarada keçiriligen II Bütündünya qırımtatar kongressi iştirakçileri ögünde çıqışta bulunıp şunı bildirdi ki, şimdi qırımtatarlar «genotsidniñ yañı variantını yaşamağa» mecburlar, bunı olar «SSCB istidatlı mirasçısı – Putiniñ Rusiyesi» tarafından köreler. Bu aqta Qırım.Aqiqat mühbiri bildire.

Refat Çubarovnıñ aytqanı kibi, qırımtatarlarnı yoq etmek ıntıluvı neticesine bu halqnıñ temsilcileri bütün dünya boyunca yaşaylar.

«Buña baqmadan, qırımtatarlar serbestlik ğayesinden vazgeçmeyler… Ümdelerimizni iç bir vaqıt qaldırmadıq, ve digerlerge tarihiy Vatanımız – Qırımda aq ve serbestligimizni bozmağa fırsat bermek niyetimiz yoq. Bugün mında dünya köşeleri boyunca dağılğan qırımtatarlarnıñ tarihiy körüşüvi keçe», – dey Çubarov.

Kongresste 12 memleketten 500 vekilniñ iştirak etmesi beklenile: Ukraina, Türkiye, Özbekistan, Qazahistan, Qırğızistan, Litvaniya, Romaniya, Poloniya, Frenkistan, Rusiye, AQŞ ve Kanada.

Rusiye yarımadanı işğal etken soñ 2014 senesi fevral 27-den bugünki künge qadar 15 biñ qırımtatarı Qırımnı terk etmege mecbur oldı. Qırımtatar halqı liderleriniñ Qırımğa kirişleri yasaq etildi, demokratik yollar vastasınen saylanğan ve bütün dünyada yerli halqlarnıñ idare organlarınıñ örnegi olğan – Qırımtatar Milliy Qurultayı ve Meclisi – faaliyetlerini devam ettirmek imkânından marum qaldılar, olarnıñ mal-mülki ise musadere etildi.

İşbu vaziyetni nazarda tutıp, II Bütündünya qırımtatar kongressini Türkiye paytahtı – Ankarada keçirmek kibi qarar alındı. Ankarada qırımtatarlarnıñ eñ büyük diasporası yaşamaqta.

XS
SM
MD
LG