Link açıqlığı

Saatnıñ esas haberi

Türkiye sakinleriniñ Qırımda olğanından haberleri bar – sorav


Türkiye sakinleri: Qırım halqını acıymız (video)
Bekleñiz, lütfen

No media source currently available

0:00 0:00:54 0:00

Türkiye sakinleri: Qırım halqını acıymız (video)

Ankarada II Bütündünya qırımtatar kongressiniñ arfesinde Qırım.Aqiqat şeer soqaqlarında sorav keçirdi. Yerli sakinlerden olar yarımadanıñ Rusiyege «qoşuluvı» neticesinde Qırım ve qırımtatarlarnıñ vaziyeti aqqında soraldı.

İnsanlar yarımada işğalinden ve qırımtatarlarnıñ şimdiki vaziyetinden haberdar olğanını bildirdiler.

«Qırımnıñ soñki işğali aqqında bilemiz. Qırımnı faşist bir şekilde elge keçirdiler. Qırım sakinlerini acıymız. Ticaretni bütünley yoq ettiler. Türkiyeniñ büyük bir ticareti bar edi, onı da qısqarttılar»,– dey Ankara sakinlerinden biri.

Bunıñ ile insanlardan bazıları Qırım aqqında bir şey bilmegenini aytıp, qonuşmaqnı red ete.

II Bütündünya qırımtatar kongressi Ankarada (Türkiye) avgust 1-2 künleri keçirilecek. Forum vekilleri Ankarağa cuma künü, iyül 31-de, keldi.

Rusiye yarımadanı işğal etkeninden soñ, 2014 senesi fevral 27 kününden ve bugüngece, 15 biñ qırımtatarı Qırımnı terk etmege mecbur oldı. Bunıñ ile qırımtatar halqınıñ yetekçilerine Qırım kirişi yasaqlandı, qanuniy sürette saylanılağan ve bütün dünyada tamır halqlarınıñ öz-özüni idare etüv organlarınıñ nümünesi olğan Qırımtatar Milliy Qurultayı ve Qırımtatar Milliy Meclisi işine devam etmek imkâniyetinden marum qaldılar.

İşbu vaziyetni nazarda tutıp, II Bütündünya qırımtatar kongressini Türkiye paytahtı – Ankarada keçirmek kibi qarar alındı. Ankarada qırımtatarlarnıñ eñ büyük diasporası yaşamaqta.

XS
SM
MD
LG