Link açıqlığı

Saatnıñ esas haberi

Türkiye matbuat vastaları Ankarada Kongress arfesinde qırımtatar aqlarınıñ bozuluvı aqta tarif ete


Türkiye matbuat vastaları Ankarada II Bütündünya qırımtatar kongressi arfesinde forum aqqında tarif eteler. Qırım.Aqiqat mühbiri bildirgeni kibi, Türkiyede eñ rağbetli gazetalarından biri – «Memleket» gazetası cuma künü, iyül 31-de, Qırımda qırımtatarlarnıñ şimdiki vaziyeti ve Kongressniñ yarımada tışında keçirilüv sebepleri aqqında tarif ete.

Aynı şu malümat belli Haberler internet resursında basılğan.

Maqalede qayd etilgeni kibi, «2014 senesi fevral 27-den Rusiye, halqara uquq ve terbiye qaidelerini bozıp, kene bir kere qırımtatarlarnıñ tarihiy Vatanı – Qırımnı işğal etti. İşğalniñ birinci kününden Qırım tamır halqı qanunsız işğalci akimiyet ve Rusiye yolbaşçılığınıñ basqısı altında bulunmaqtadır. Ayırımlarnıñ yekâne maqsadı – 1783 senesiniñ birinci işğalini tekrarlamaqtır».

Rusiye yarımadanı işğal etkeninden soñ, 2014 senesi fevral 27 kününden ve bugüngece, 15 biñ qırımtatarı Qırımnı terk etmege mecbur oldı. Bunıñ ile qırımtatar halqınıñ yetekçilerine Qırım kirişi yasaqlandı, qanuniy sürette saylanılağan ve bütün dünyada tamır halqlarınıñ öz-özüni idare etüv organlarınıñ nümünesi olğan Qırımtatar Milliy Qurultayı ve Qırımtatar Milliy Meclisi işine devam etmek imkâniyetinden marum qaldılar.

İşbu vaziyetni nazarda tutıp, II Bütündünya qırımtatar kongressini Türkiye paytahtı – Ankarada keçirmek kibi qarar alındı. Ankarada qırımtatarlarnıñ eñ büyük diasporası yaşamaqta.

XS
SM
MD
LG