Rusiyeniñ Ava-desant orduları (VDV) Qırmnıñ Canköy şeerinde yañı desant-ücüm polkunı meydanğa ketire bile, haber ete TASS.
«Novorossiysk, Stavropol ve Anapada yerleşken 7-nci tümende mında evel olğan 97-nci desant-ücüm polkunı meydanğa ketirecek olalar. Yerleşüv yeri al etile. Şimdi Canköy şeeri baqıla», – dedi jurnalistlerge VDV komandanı general-polkovnik Vladimir Şamanov.
Bıltır Şamanov Qırım yarımadasında VDV bölüklerini yerleştirmege planlaştırılmağanı aqta bildirgen edi, amma öyle imkânnı da red etmey edi.
Kiyev ve Ğarp memleketleri Rusiyeni Ukraina şarqında separatistlerge qol tutqanında qabaatlay. Moskva bunı red ete.
