Link açıqlığı

Ukraina havfsızlıq hızmeti Qırımğa, ukrain tarafınıñ izni olmadan, barğan Frenkistannıñ Milliy toplaşuvı ve Senatınıñ 10 deputatına üç yılğa Ukraina kirişini yasaqladı.

«Ukrain tarafı olarnıñ bu sene iyül ayında, Ukrainanıñ izni olmadan ve 2015 senesi iyün 4 künü Ukraina Nazirler Kabineti tarafından tasdiqlanılğan vaqtınca işğal etilgen territoriyağa kiriş ve çıqış aqqında №367 avalesine baqmadan, Qırım Muhtar Cumhuriyetine yapılğan ziyaretlerini bir destruktiv adım olaraq tanıy», – deyler mında.

Yasaqnı: Tyeri Mariani, İv Pozzo di Borgo, Nikolâ Düik, Klod Goazgenom, Jerom Lamber, Yanik Moro, Patris Verşer, Mari-Kristin Dalloz, Sover Gandolfi-şayte, Jak Miyar elde ettiler.

Evel Qırımğa bir qaç Frenkistan deputatı kelgen edi. Ziyaret resmiy degil edi. Frenkistan Tış işler nazirliginde bu ziyaretni halqara uquqnıñ bozuluvı olaraq adladı ve tenqit ettiler.

Ukraina Tış işler nazirligi Ukraina Havfsızlıq hızmetine (SBU) keçken afta Qırımnı, ukrain tarafınıñ izni olmadan, ziyaret etken frenk deputatlarına memleket kirişini yasaq etmek ricası ile mektüp yolladı.

XS
SM
MD
LG