Link açıqlığı

Saatnıñ esas haberi

Bütündünya qırımtatar kongressine yollanılğan video müellifleri tuvğanlarınıñ havfsızlığı içün qasevet çekeler


Bütündünya qırımtatar kongressiniñ vekilleri tuvğanları ve yaqınlarınıñ havfsızlığı içün qasevet çekeler.

Bu aqta Rusiye mahsus hızmetleri tarafından yarımada tışına çıqış yasaqlığını alğan Qırım vekilleriniñ video muracaatında aytıla.

«Qorquzuv siyasetiniñ, şu cümleden qanunsız silâlı teşkilâtlar tarafından olğan areketlerniñ, neticesi şu ki, biz aile, tuvğanlarımız içün telükesizlikni duymaymız», – dey muracaatta Qırımtatar Milliy Meclisiniñ reisi muavini Nariman Celâl.

Qurultaynıñ Merkeziy saylav komissiyasınıñ başı Zair Smedlâyev dey ki, olğan manialarğa baqmadan, Qırım delegatları iştiraksiz qalmağa istemeyler, şunıñ içün işbu muracaatnı yazdılar.

İyül 30 künü Ukraina Tış işler nazirligi 2015 senesi avgust 1-2 künleri Ankarada keçirilecek II Bütündünya qırımtatar kongressinde qırımtatar halqı temsilcileriniñ iştirak etüvine suniy yaratılğan manialarğa öz qarşılığını bildirdi.

Evel bildirilgeni kibi, Ankarada (Türkiye) II Bütündünya qırımtatar kongressinde iştirakçiler Qırım işğali şaraitlerinde yapılacaq areketlerni muzakere etecekler.

İyül 28 künü Qırımda Rusiye Taqiqat komitetiniñ idaresi Ankarada Bütündünya qırımtatar kongressiniñ keçirilmesi vaqtında Qırımtatar Milliy Meclisi reisiniñ birinci muavini Nariman Celâl, Qırımtatar Milliy Qurultayınıñ Merkeziy saylav komissiyasınıñ reberi Zair Smedlâyevge Qırımdan çıqmağa yasaq etti.

XS
SM
MD
LG