Link açıqlığı

Rusiyeniñ 2014 senesi Qırım turizmi inkişafına ayırğan para miqdarı, Ukaraina yıl evelsi yapqanına köre, 6 qat azlaştı, dey Qırımnıñ sabıq kurort ve turizm naziri, şimdi Ukraina agrar siyaseti ve aşayt naziriniñ keñeşçisi Aleksandr Liyev.

Bu aqta o 5 kanal efirinde bildirdi.

«2013 senesi Qırım turizmine 1,2 mlrd grn ayırılsa, 2014 senesi Rusiye Qırım turizminiñ inkişafına tek 200 mln grn qoştı. Bu sene para miqdarı daa da alçaqtır – 100 million, ukrain para birleminde sayacaq olsaq», – dey Liyev.

Qırım akimiyeti evel aytqanı kibi, iyül 15 künü yarımada eki millionuncı turistni qarşıladı eken. 2015 senesi Qırım 4,3 million turistni qabul etecek ola. 2014 senesinden 15% çoq. 2013 senesi Qırım altı million turistni qabul etti.

2014 senesi mart ayında Qırım Rusiye tarafından işğal etilgeninden soñ turistlerniñ aqımı azlaştı. Turoperatorları aytqanı kibi, Qırımda raatlanmağa alışqan insanlarnıñ çoqusı endi yarımadağa barmaz.

XS
SM
MD
LG