Link açıqlığı

Ankarada Qırımtatar kongressiniñ iştirakçileri Qırım işğali şaraitlerinde yapılacaq areketlerni muzakere etecekler


Ankarada (Türkiye) II Bütündünya qırımtatar kongressinde iştirakçiler Qırım işğali şaraitlerinde yapılacaq areketlerni muzakere etecekler. Bu aqta QHA haber agentligi tarafından aşkâr etilgen Kongressniñ programmasında aytıla.

Kongresste bütün dünyadan 180 qırımtatar teşkilâtı iştirak etecektir. Tedbir Ankarada Bilkent Hotel salonında avgust 1-2 künleri keçecek.

«Türkiye parlamenti reisiniñ muavini Naci Bostancınıñ, Ukraina prezidenti adından – Ukraina Tış işler naziri Pavlo Klimkin, içtimaiy teminlev emegi naziri Faruk Çelikniñ, siyasiy firqa temsilcileriniñ, elçi ve çeşit memleket eyyetleri vekilleriniñ, alim, tedqiqatçı, Avrоpa ülkelerinden, AQŞ ve Kanada jurnalistlerniñ iştiraki beklenile», – denile beyanatta.

Bunıñ ile bir sıra beyanatlarnıñ qabul etilmesi beklenile – dünya toplulığına, ukrain yolbaşçılığına ve qırımtatar halqınıñ işğal etilgen Qırımdaki vaziyeti aqqında.

Kongressniñ programmasında şunı qayd eteler ki, Rusiye tarafından Qırım 2014 senesi fevral 27 kününden ve bugünge qadar 15 qırımtatarı Qırımnı terk etmege mecbur edi. Denile ki, qırımtatar halqı Qırımdan defalarca icret etmege mecbur edi. Böylece, 1 million qırımtatarı 1783-1922 seneleri Qırımnı terk etti, yoqsa ayırımğa oğradı.

Tedbir iştirakçileri Bütündünya kongressiniñ Ankarada keçirilmesini halq yetekçilerine Qırım kirişi yasaq olğanı ile añlatalar, faallerniñ çoqusı taqip etile. Öldürüv, qırımtatarlarnıñ ğayıp oluvı ep arta, milliy matbuat vastalarına basqı etile.

XS
SM
MD
LG