Link açıqlığı

İlmi Ümerov: Rusiyeniñ mahsus hızmetleri Meclis azalarına Qırımtatar kongressinе barmağa bermezler


Qırımtatar Milliy Meclisiniñ reisi muavini İlmi Ümerov dey ki, Meclis azaları ile Rusiye uquq qoruyıcıları tarafından sıq sürette keçirilgen sorğularnıñ maqsadı – olarnıñ Ankaradaki (Türkiye) Qırımtatarlarnıñ Kongressinde iştirak etmesine yol bermemektir.

«Sorğuda edim. Fevral 26 künü boyunca. Nevbetteki celpname – iyül 31-ne. Şübesiz ki, böyle sıq sorğularnıñ maqsadı – kongresste iştirak etüvimizge imkân bermemek. Añlayışıla, Qırımda yaşağan Meclis azalarınıñ çoqusına çıqmağa bermezler, belki, er keske», – yazdı o Facebookta çarşenbe künü, iyül 29-da.

Evel bildirilgeni kibi, iyül 28 künü Qırımda Rusiye Taqiqat komitetiniñ idaresi Ankarada Bütündünya qırımtatar kongressiniñ keçirilmesi vaqtında Qırımtatar Milliy Meclisi reisiniñ birinci muavini Nariman Celâl, Qırımtatar Milliy Qurultayınıñ Merkeziy saylav komissiyasınıñ reberi Zair Smedlâyevge Qırımdan çıqmağa yasaq etti. Сalı künü Rusiye Taqiqat komitetiniñ Qırım idaresi Smedlâyev ve Celâlnı «fevral 26» işi boyunca şaatlar olaraq sorğuğa çağırdı

XS
SM
MD
LG