Link açıqlığı

Saatnıñ esas haberi

AQŞ qırımtatarlarnıñ mevamına qol tuta – Cemilev


Ukrainada AQŞ elçisi Geoffrey Pyatt qırımtatar halqı yetekçileriniñ mevamına qol tuta, dedi Ukraina prezidentiniñ qırımtatarlarnıñ işlerinden vekâletlisi Mustafa Cemilev.

«Ukraina prezidentiniñ qırımtatarlarnıñ işlerinden vekâletlisi Mustafa Cemilev Meclis reisi Refat Çubarov ve Qırım meseleleri boyunca Devlet hızmetiniñ başı Aslan Ömer Qırımlı ile Ukrainada AQŞ elçisi Geoffrey Pyatt ile körüştiler. Muzakereler devamında elçi efendi mevamımızğa qol tutqanını bildirdi», – yazdı Cemilev Facebookta çarşenbe künü, iyül 29-da.

Diger tafsilâtlarnı o qayd etmedi.

Çubarov, öz nevbetinde, AQŞ elçisi ile subetni olduqça semereli olaraq adladı. «Muzakere etilgen suallerniñ arasında fikirlerimiz bir olmağan sual yoq edi… Bazılarnıñ yaqın zamanda amelge keçirilmesine ümüt besleymiz», – dey Çubarov.

XS
SM
MD
LG