Qırım akimiyeti Ulu Vatan cenkiniñ Ukraina ve Qırımnı natsistlerden azat etken on veteranına olarnıñ şahsiy portretlerini bağışladı.
Qırımnıñ Rusiye Medeniyet nazirliginiñ matbuat hızmeti bildirgeni kibi, aktsiya Ğalebeniñ 70 yıllığı çerçivesinde keçti.
Portretlerni alğanlarnıñ sırasında– Mihail Boyarko, 491-inci minaatıcı polku erkânında cenkleşti, bütün Ukrainadan keçti. Sumı, Kiyevni azat ete edi; Nikolay Golovin – polkovnik istifada. Ukrain cebesinde 10-uncı tank polkunda hızmet etti. Ukraina, Çehoslovakiyanı azat ete edi; Reşat Sadretdinov – Aqyar zenit oquv yurtunı bitirdi, vzvod komandanı, zenit batareya komandanı edi. Ukraina, Poloniyanı azat ete edi, Berlinge ücüm etken edi.
Matbuat hızmetinde bildirilgeni kibi, veteranlar içün Qırımnıñ Halq icadı merkeziniñ azası Vardui Dilanân icrasında «Katüşa» yırı yanğıradı.
Evel Reşat Sadretdinov Qırım.Aqiqatqa bildirgeni kibi, munasip mukâfat yerinde halqınıñ Qırımdan sürgün etilgeni aqta bildirüvni alğan edi.
