Link açıqlığı

NATO birligi Türkiyege onıñ «İslâm devleti» terroristik teşkilâtına qarşı küreşinde öz birdemligini bildire ve aynı zamanda kürd separatistlerine nisbeten keçirilgen kampaniyasıda muqayt olmağa çağırа. Mütenasip bildirüv salı künü Brükselde elçiler seviyesinde keçirilgen NATO acele toplaşuvı vaqtında seslendirildi.

Körüşüv iştirakçileri «İslâm devleti» teşkilâtından olğan telükege ve Türkiyeniñ cevabına qıymet kesmege çağırdılar.

NATO baş kâtibi Jens Stoltenberg dey ki, Ankara arbiy yardımnı soramay ve Türkiyeniñ ordusı Şimaliy atlantik birliginde miqdarı ve effektivligi boyunca ekinci yerde turğanını bildirdi.

Qapalı körüşüv devamında NATO temsilcileri Türkiyeni teraktlarğa qarşı artqaç küç qullanmamaq ve kürd azlığı ile barışıqqa devam etmege çağırdı.

Türkiye akimiyeti keçken afta memleket boyunca kürd faallerini yaqalağan edi. Türkiye arbiy ava küçleri «İslâm devleti» teşkilâtınıñ ve Kürdistan İş firqasınıñ mevzilerine ücüm etken edi.

XS
SM
MD
LG