Link açıqlığı

Cemilev ofisiniñ idarecisi yarıştan keçip, Odessa vilâyetiniñ rayonında yolbaşçılıq etmege azırlana


Ukraina prezidentiniñ qırımtatarlarnıñ işlerinden vekâletlisi Mustafa Cemilevniñ faaliyetini temin etüv bölüginiñ başı Arsen Jumadilov Odessa vilâyetinde Belâyevsk rayon devlet memuriyeti başınıñ vazifesine yarış basamaqlarından keçti.

Bu aqta Jumadilov Qırım.Aqiqatqa bildirdi.

«Odessa vilâyet devlet memuriyeti seviyesinde saylav basamaqlarını keçtim, rayon merkezinde – Belâyevka şeerinde cemaat diñlevlerinden de keçtim. Tünevin Prezident memuriyetinde subet olğan edi, onı da keçtim. Şimdi resmiy momentler qaldı, vesiqalarnı toplap, çeşit müessiselerge bermelim», – dey Jumadilov.

Onıñ malümatına köre, eki afta içinde onı tayinlemek kerekler.

Arsen Jumadilov ile onıñ yañı vazifesi ve Mustafa Cemilevniñ ofisinde iş neticeleri aqta Qırım.Aqiqatnıñ maqalesini birazdan oquñız.

Belâyevsk rayon devlet memuriyetleriniñ başı vazifesine üç namzet kösterilgen edi: Odessa adliyecisi Oleg Varivoda, Teplodar iş adamı Andrey Dotsenko ve yarımada işğalinden soñ Kiyevde yaşağan ve çalışqan Qırım siyasetşınası Arsen Jumadilov. Vilâyet devlet memuriyetinde bildirilgeni kibi, «Ukraina tarihında ilk sefer rayon devlet memuriyetleriniñ başını tayinlev ketişatına yerli sakinler ile körüşüv kirsetildi.

Belâyevsk rayonı – Ukraina Odessa vilâyetiniñ cenübiy-şarqındaki memuriy birlemdir.

XS
SM
MD
LG