Yalta prokuraturası Massandra qasabasında (Büyük Yalta) tereklerniñ yoq etilmesi boyunca teşkerüvni keçirdi. Qurucı, topraq işlerini becerip, işlenilgen territoriyanıñ sıñırına çıqıp, qomşu territoriyada qanunsız sürette yedi terekni baltaladı.
Qırımnıñ Rusiye prokuraturasınıñ matbuat hızmeti bildirgeni kibi, mütehassıslarnıñ malümatına köre, ziyannıñ miqdarı 2,7 mln rubleni teşkil ete.
Teşkerüv malümatı ilk taqiqat organlarına yollanıldı.
