Link açıqlığı

Saatnıñ esas haberi

Ukrain kinematografistleri Qırımnıñ vatanperver zabitleri aqqında film çıqaralar


Babylon`13 birliginiñ kinematografistleri «Qırım, nasıl edi» – yañı filmni çıqaralar.

Vesiqalı film – Qırım zapt etilgende Ukraina halqına antından vazgeçmegen ve topraq, deñiz ve avada öz arbiy vazifelerini eda etken zabit, asker ve gemicilerniñ ikâyelerinden ibarettir.

Müellifler aytqanı kibi, film iştirakçileri Qırımnıñ zaptı ve işğali aqqında tarif eteler.

Şimdi film işlep çıqarılmaqta, deyler müellifleri.

​2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG